“بەرهەمهێنانمان لە بواری نەوت لە كوردستان لە زیادبوونی بەردەوامدایە”

SNN

كۆمپانیای (DNO)ی نەرویجیکە بەرهەمهێنانی نەوت و غاز دەکات رایگەیاندووە، كۆی ئەو بەرهەمەی لە كێڵگەی “تاوكێ‌” ئیدارەی دەدات لە كوردستانی عێراق لە بەرزبونەوەی بەردەوامدایە.

کۆمپانیاکە لەو بارەیەوە راگەیەنراوێکی بڵاوکردووەتەوە و ئاماژەی بەوەکردووە، بەرهەمهێنان لەمانگی كانونی یەكەمی ئەمسااڵدا رۆژانە لە (90) هەزار بەرمیل نەوت نزیكبووەتەوە.

ئەوەشخراوەتە روو، ئاستی بەرهەمهێنان لە چارەكی چوارەمی ساڵی (2023) رۆژانە بۆ (65) هەزار بەرمیلی بەرزبووەتەوە، ئەمە لە کاتێکدا لە چارەكی سێیەمدا (26) هەزار بەرمیل بووە و لەچارەكی دووەمدا ئاستی بەرهەمهێنان سفر بووە،

سەبارەت بە نرخی بەرهەمەکانیان روونیکردووەتەوە، بەرهەمی كۆمپانیاكە بە وەبەرهێنە ناخۆییەكان بۆ هەر بەرمیلێک بە نرخی دەوروبەری (30) دۆلار دەفرۆشرێت.

لەلایەکی ترەوە، بەرێوەبەری جێبەجێكاری كۆمپانیای (DNO) دەڵێت: “لەگەڵ دابەزینی نرخی فرۆشی ناوخۆیی بۆ نیوە، لە فرۆشتنی هاردەكردنەوە بۆ توركیا بەدەستدەهات، بەڵام زیادبوونی بەرهەمهێنان داهاتێكی كاشی بەردەوام بۆ كۆمپانیای (DNO) دەستەبەردەكات.”

كۆمپانیای (DNO) پلانی هەیە بۆ هەڵكەندی بیرێكی تر لە رێگەپێدانی بەعشیقە لە كوردستان لە ساڵی (2024)، ئەمەش دوای ئەوەی  لە ساڵی (2019)دا دۆزرایەوە.