لەنزیک بارەگای حەشدی شەعبی تەقینەوەیەک روویدا

SNN

لە نزیک بارەگای حەشدی شەعبی لە تکریت خۆکوژێک هەوڵی کارێکی تیرۆرستی داوە، بەڵام کارەکەی پوچەڵکراوەتەوە و لەو رووداوەدا تەنها خۆکوژەکە گیانی لەدەستداوە.

بەرەبەیانی ئەمڕۆ سێشەممە 23ی کانوونی دووەم، هێزە ئەمنییەکانی عێراق رایگەیاندووە، تیرۆریستێك بە پشتێنێکی بۆمبڕێژکراوەوە هەوڵیدا خۆی بە بارەگای ئاسایشی فەرماندەیی ئۆپەراسیۆنەکانی حەشدی شەعبی لە سەڵاحەدین بتەقێنێتەوە کە دەکەوێتە شاری تکریتەوە.

ئەوەشخراوەتە ڕوو، پێش ئەوەی تیرۆریستەکە بگاتە ئامانجەکەی، لە لایەن پاسەوانانی بارەگاکەوە تەقەی لێکراو پشتێنە بۆمبڕێژکراوەکە بە خۆیدا تەقییەوە، لەو رووداوەدا جگە لە تیرۆرسەتەکە کوژراوە هیچ زیانێکی تری گیانی لێنەکەوتووەتەوە.