ئیسرائیل بەم مەرجە شەڕ لە کەرتی غەززە رادەگرێت
ئاڵاى ئهمریكا و ئیسرائیل | فۆتۆ: Daily Sabah
SNN
دوای ئەوەی ئیسرائیل لەهەوڵەکانی بۆ کوژران و دەستگیرکردنی سەرکردەکانی حەماس شکستی هێنا، لە ئێستادا پێشنیاری کردووە سەرکردەکان ی حەماس لە غەززە بچنە دەرەوە ئەوکات شەڕ رادەگرێت.
ماڵپەڕی جەزیرە بە پشت بەستن بە زانیارییەکانی سی ئێن ئێنی ئەمریکی ئاشکرایکردووە، لە نێوان ئەمریکا و ئیسرائیلدا گفتوگۆی توند کراوە لە بارەی ئاگربەست و راگرتنی شەڕەوە، لە زۆرینەی گفتوگۆکاندا ئیسرائیل رەتی کردووەتەوە ئاگربەست رابگەیەنێت، بەڵام دوای ئەوەی شکستی هێناوە لە دەستگیرکردن و کوشتنی سەرکردەکانی حەماس کە لە ٪70ی سەرکردەکان لە ژیاندا ماون.
بەگوێرەی سی ئێن ئێن، گفتوگۆکانی ئەمجارە گەیشتووەتە ئەو ئاستەی ئێستا ئیسرائیل پێشنیاری کردووە بەو مەرجە رازییە شەڕ لە غەززە رابگرێت کە سەرکردەکانی حەماس لە غەززە بچنە دەرەوە.
سینوار، سەرکردەی حەماس ئاماژەی بەوەکردووە، ئیسرائیل پێشنیاری کردووە سەرکردەکانی حەماس غەززە بەجێبهێڵن، بەڵام هێشتا دیار نییە حەماس ئەو پێشنیارە قبوڵ دەکات، ئەوەشی خستووەتە ڕوو، ئەم پێشنیارە لە کاتی گفتوگۆکان بووە بۆ راگرتنی شەڕ و ئازادکردنی بارمەت و دیلەکان.
