سبەینێ یەكێتی و پارتی لە سلێمانی كۆدەبنەوە

SNN-
بڕیارە سبەینێ یەکشەممە لە دەباشان مەكتەبی سیاسیو یەكێتی و پارتی سەبارەت بە پرسی هەڵبژاردنی پەرلەمانی کوردستان و پرسی کەرکوک کۆببنەوە.

بڕیارە سبەینێ یەکشەممە 4ی شوباتی دووەمی 2024، شاندی پارتی و یەکێتی کۆببنەوە و بەگوێرەی زانیارییەکانی SNN، كۆبوونەوەكە لە دەباشان دەبێت بافڵ تاڵەبانی سەرۆكایەتی وەفدی یەكێتی دەكات و هەریەکە لە ئاسۆ مامەند، رەفعەت عەبدوڵڵا و دەرباز کۆسرەت رەسوڵ و قوباد تاڵەبانیش ئەندامی شاندی یەکێتی دەبن، شاندی پارتیش بە سەرۆکایەتی فازل میرانی و ئەندامێتی هۆشیار زێباری، ئازاد بەرواری، مەحمود محەمەد وجەعفەر ئیمینکی دەبێت.

بە گوێرەی زانیارییەکانی SNN كۆبوونەوەكە تایبەت دەبێت بە پرسی هەڵبژاردنی پەرلەمانی كوردستان و پێكهێنانی حكومەتی خۆجێی کەرکوک و نەینەوا و پرسی کۆبوونەوەی ئەنجوومەنی پارێزگای کەرکووک کە بڕیارە یەکەم دانیشتنی ئەنجوومەنەکە لە دوو ڕۆژی داهاتوو ئەنجام بدرێت.