لەعێراق 306 حاڵەتی نوێی کۆرۆنا دەستنیشانکرا
کۆرۆنا لە عێراق
SNN-
وەزارەتی تەندروستیی عێراق ئەمڕۆ شەممە 30ی ئایار بڵاویکردەوە کە 306 کەسی دیکە تووشی کۆرۆنا بوون و کۆی گشتی مردنیش بۆ 195 کەس بەرز بۆتەوە.
وەزارەتی تەندروستیی عێراق راشیگەیاندووە “کۆی گشتیی تووشبووان لەوڵات گەیشتۆتە 6179 کەس و حاڵەتەکانی چاکبوونەوەش بۆ 3110 کەس بەرزبۆتەوە”.
هەر بەگوێرەی راگەیەنراوەکەی وەزارەتی تەندروستی عێراق کۆی گشتیی مردووان بە ڤایرۆسی کۆرۆنا گەیشتۆتە 195 کەس.
هەر ئەمڕۆ لیژنەی ئۆپراسیۆنەکانی عێراق بۆ سەلامەتی و تەندروستیی قەدەغەی هاتوچۆی لەهەموو عێراق بۆ ماوەی 7 رۆژ راگەیاند و لەسبەینێشەوە دەچێتە بواری جێبەجێکردنەوە.
شانەی قەیرانەکانی عێراق لەکۆبوونەوەی ئەمڕۆی ئەنجومەنی وەزیراندا پێشنیازی کردبوو کە 14 رۆژ قەدەغە رابگەیەنرێت.
بەپێی زانیارییەکانی SNN لەسەرچاوەیەکی ناو کۆبوونەوەکە، بڕیاری 7 رۆژ قەدەغە دراوە و بێ جیاکاری هەموو عێراق دەگرێتەوە جگە لەپارێزگاکانی هەرێمی کوردستان.
لەئێستادا لەعێراق 5873 کەس تووشی کۆرۆنا بوون و 185 کەسی تر مردوون و 3044 کەسی دیکەش چاکبوونەتەوە، هۆکاری راگەیاندنی ئەو قەدەغەیەش هەڵکشانی ژمارەکانە بەهۆی پەتاکەوە.
