بەهۆی هەورە بروسکەوە سێ پێشمەرگە برینداربوون
SNN
لە سنوری شێروان مەزن هەورە بروسکە داویەتی لە رەبایەکی پێشمەرگە، بەو هۆیەوە سێ پیشمەرگە برینداربوون، بۆ وەرگرتنی چارەسەر رەوانەی نەخۆشخانە کراون.
بەرەبەیانی ئەمڕۆ پێنجشەممە 15ی شوبات، لەگەڵهاتنی شەپۆلێکی چڕی بارانبارین رووی لە هەرێمی کوردستان کردووە، بەو هۆیەوە شەوى رابردوو سێ پێشمەرگەى فەرماندەى بارزان لە دەڤەرى مزورى باڵا لە قەزاى مێرگەسوور، کە لەکاتى ئەرکدا بوون بەهۆی هەورە بروسکەوە برینداربوون.
بەگوێرەى ئەو گرتە ڤیدیۆیانەى لە تۆڕەکۆمەڵایەتییەکاندا بڵاوبوونەتەوە، هەرسێ پێشمەرگەکە بەهۆی هەورە بروسکەوە بریندرابوون و رەوانەى نەخۆشخانەى مێڕگەسوور کراون بۆ وەرگرتنى چارەسەر.
هەر سێ پێشمەرگەکە ناویان (موحسین سەدیق پالانى، ئەیسەر ئەحمەد پالانى و لوئەى جەواد شیڤى)ن، لە ئێستادا لە نەخۆشخانە چارەسەر وەردەگرن.
