وادەی کۆتایهاتنی شەپۆلی بارانبارین راگەیەندرا

SNN-

بەڕێوەبەرایەتیی کەشناسیی هەرێم بڵاویکردەوە، ئەمڕۆ نمەباران دەبارێت وئەم شەپۆلی بارانبارینە کۆتایی دێت.

بەرێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردووەتەوە کە ئەمڕۆ دووشەممە 19ی شوباتی 2024، ئاسمان لەنێوان نیمچە هەور و هەوری تەواو دەبێت، ئەگەری نمە بارانی کەم کەم لەناوچەکانی رۆژئاوای هەرێم و پارێزگای دهۆک و سلێمانی هەیە، هەروەها کەمێک بەفر بارین لەناوچە شاخاوییە سنووریەکانی باکووری خۆرهەڵاتی هەرێمی کوردستان.

هەروەها سبەی سێشەممە 20ی شوباتی 2024، ئاسمان نیمچە هەور بۆ هەوری تەواو دەبێت لەکاتەکانی دوای نیوەڕۆ پێشبینی نمە باران دەکرێت لەزۆربەی ناوچەکانی هەرێم،وە هەروەها بەفر لەناوچە شاخاوییە سنووریەکانی رۆژهەڵات و باکووری رۆژهەڵاتی هەڕێم، لەکاتەکانی شەودا کاریگەی دابارین نامیێنی کەش و هەوا سەقامگیر دبێتەوە.

بەرزترین پلەکانی گەرمای پێشبینیکراو بە پلەی سیلیزی
هەولێر : 15
سلێمانی : 14
دهۆک : 17
کەرکوک : 17
هەڵەبجە : 15
زاخۆ : 16
سۆران : 12
حاجی ئۆمەران : 2
گەرمیان : 17