دابەشکردنی مووچەی مانگی 2 لە عێراق دەستیپێکرد

SNN-

وەزارەتی دارایی عێراق رایگەیاند، لە ئەمڕۆوە دابەشکردنی مووچەی مانگی شوبات دەستپێدەکات.

ئەمڕۆ سێشەممە، وەزارەتی دارایی عێراو رایگەیاند،، داوا لە سەرجەم بەڕێوەبەرایەتی و فەرمانگەکان دەکەن سەردانی بەشی ژمێریاری بکەن و دەست بکەن بە رێکارەکانی وەرگرتنی پارە و دابەشکردنی مووچەی مانگی شوبات.

وەزارەتەکە دەشڵێت:” بەڕێوەبەرایەتی ژمێریاری لە وەزارەتی دارایی دەستیکردووە بە ڕێکارەکانی دابینکردنی دارایی مووچەی فەرمانبەرانی دەوڵەت و ئەندامانی هێزە ئەمنییەکان بۆ مانگی شوباتی ئێستا. داوای لە یەکەکانی خەرجییەکان لە وەزارەتەکان، قایمقامیەتەکان، و ئەو لایەنانەی کە سەر بە وەزارەت نین، پێداچوونەوە بە بەشی ژمێریاریدا بکەن بۆ تەواوکردنی مەرجەکانی دابینکردنی دارایی مووچەی فەرمانبەران و لقەکانیان، بە لەبەرچاوگرتنی پابەندبوون بەو خشتەی دارایی مانگانەی کە لەلایەن ئەوەوە پەسەندکراوە.”

حکومەتی هەرێمی کوردستانیش بۆ دابەشکردنی مووچەی مانگی شوبات چاوەڕێی ناردنی پارە دەکات لە بەغداوە.