حکومەتی هەرێم لەسەر مووچە و سەردانەکەی مەسرور بارزانی بۆ ئەمریکا کۆدەبێتەوە

SNN-

ئەمڕۆ چوارشەممە حکومەتی هەرێمی کوردستان کۆدەبێتەوە و گفتوگۆ لەسەر مووچەى مووچەخۆرانى هەرێمى کوردستان سەردانەکەی مەسرور بارزانی بۆ ئەمریکا دەکات.

بەپێى خشتەى کارى کۆبوونەوەکە، یەکەمین تەوەرى کۆبونەوەکەیش تایبەت دەبێت بە سەردانى شاندەکەى هەرێم بۆ ئەمەریکا و کۆبوونەوەکانیان لەگەڵ بەرپرسانى باڵاى ئەو وڵاتە و ئەم تەوەرەى گفتوگۆش لەلایەن سەرۆکى حکومەتى هەرێمەوە دەخرێتەڕوو.

هەر بەپێى کارنامەکە، سەرۆکى دەستەى دەستپاکى راپۆرتێکى تایبەت بە جێبەجێکردنى (ستراتیژى نیشتیمانى روبەڕوبونەوەى گەندەڵى لە هەرێمى کوردستان-عێراق) کە پێشتر لەلایەن ئەنجومەنەکەوە پەسەند کرابوو.

هەروەها تەوەری سێیەمی کۆبوونەوەکەی ئەنجومەنى وەزیران تایبەت دەبێت بە پرسى مووچەى مووچەخۆرانى هەرێمى کوردستان و لەلایەن وەزیرى داراییەوە هەنگاو و رێکارەکانى ئەم دواییانەى وەزارەتەکە و لایەنە پەیوەندیدارەکان دەخرێتەڕو تایبەت بە مووچەى مووچەخۆرانى هەرێم لەژێر رۆشنایی دوایین پێشهات و گۆڕانکارییەکان.