عێراق دەرمانی کۆرۆنا لە رووسیا دەکڕێت
Avigan influenza tablets, produced by Fujifilm Holdings Corp., are arranged for a photograph at the company's headquarters in Tokyo, Japan, on Monday, Oct. 27, 2014. Fujifilm, which makes the Avigan drug used as part of clinical trials in Ebola patients, said aid group Doctors Without Borders may use the drug among its experimental treatments. Photographer: Akio Kon/Bloomberg via Getty Images
SNN
باڵیۆزی عێراق لە رووسیا رایگەیاند، داوایان لە رووسیا کردووە دەرمانی چارەسەری کۆرۆنا بە عێراق بفرۆشێت.
عەبدولڕەحمان حوسێنی لە هەژماری خۆی لە تویتەر نوسیویەتی: “داوام لە حکوومەتی رووسیا کردووە دەست بە دانوستاندن لەگەڵ بەغدا بکات بۆ فرۆشتنی دەرمانی (ئەڤیفاڤیر) بە عێراق”.
وتوشیەتی: دەرمانی ئەڤیفاڤیر، دەرمانێکی ژاپۆنییە و زانایانی پزیشکیی رووسیا پەرەیان پێداوە، بە رێژەی %90ـی تووشبووانی کۆرۆنا چاک دەکاتەوە.
هاوکات ئاژانسی هەواڵی سپوتنیکی رووسی بڵاوی کردووەتەوە، تا ئێستا دەرمانی ئەڤیفاڤیر لە نەخۆشخانەکانی رووسیادا بەکارنەهاتووە و بڕیارە لە 11ی ئەم مانگەوە بۆ نەخۆشخانەکانی رووسیا بنێردرێت.
ئەو ئاژانسە ئاماژەی بەوە کردووە، عێراق دەبێتە یەکەم وڵاتی عەرەبی، کە داوای کڕینی دەرمانی ئەڤیفاڤیر دەکات.
تا ئێستا حەوت هەزار و 387 کەس لە عێراق و هەرێمی کوردستان، تووشی کۆرۆنا بوون و لەو ژمارەیەشدا، 235 کەس گیانیان لەدەستداوە.
