داواکاری گشتی سکاڵا لەسەر شاسوار عەبدولواحید تۆمار دەکات

SNN-

سەرۆکایەتی داواکاری گشتی ھەرێم سكاڵای یاسایی لەسەر شاسوار عەبدولواحید تۆمار دەکات بەتۆمەتی نەگێڕانەوەی قەرزەکانی سەری بۆ خەزێنەی حکومەت و نەدانی مافی خاوەن پشکەکانی پڕۆژەی چاڤیلاند.

سەرچاوەیەک لەسەرۆکایەتی داواکاری گشتی هەرێم هەواڵەکەی بۆ SNN پشتڕاستکردەوە و وتی: “سکاڵایان هەیە و لەداهاتوودا وردەکاریی سکاڵاکە دەخەنەڕوو”.

سەرۆکی جوڵانەوەی نەوەی نوێ کە هاوکات بازرگانیشە، تۆمەتبارە بە نەدانەوەی قەرزەكانی کە پێشتر حكومەت پێیداوە، بۆ ئەنجامدانی پڕۆژە.

هاوکات لەساڵی 2009ەوە کۆمپانیایەکی پشکداری پێکهێناوە و پارەی ژمارەیەکی زۆری خەڵکی وەک خاوەن پشک کەوتۆتە لا تائێستا نەیگەڕاندۆتەوە بۆیان.