شاندی هەرێم لە بەغدایە و داوای جێبەجێکردنی ئەنجامی سەرژمێری دەکات

SNN

شاندێکی وەزارەتی دارایی هەرێمی کوردستان لە بەغدایە و بەشداری لە گفتوگۆکانی تایبەت بە ئامادەکردنی ڕەشنووسی بودجەی گشتی عێراقدا دەکات.

بە پێی زانیارییەکان دوێنێ شەو، شاندێکی وەزارەتی دارایی هەرێمی کوردستان گەیشتە بەغدا و بڕیارە ئەمڕۆ لەگەڵ وەزارەتی دارایی فیدراڵی عێراقدا کۆبێتەوە و بۆ گفتوگۆکردن لەسەر ئامادەکردنی ڕەشنووسی پڕۆژە یاسایی بودجەی ساڵی 2027.

لە کۆبوونەوەکە گفتوگۆ لەسەر پشکی هەرێمی کوردستان لە بودجەدا دەکرێت بە تایبەتیش لەبابەتی دامەزراندن و گرێبەستەکان و سێ یەکەمەکان.

شاندەکەی وەزارەتی دارایی داوا دەکات ئەنجامی سەرژمێرییەکەی 2024 بکرێتە بنەمای دەستنیشانکردنی پشکی هەرێمی کوردستان لە بودجەی عێراقدا کە ڕێژەکەی 14٪ بوو.

پێشتر عەلی زەیدی، سەرۆک وەزیرانی عێراق ڕایگەیاندبوو کە ئەنجوومەنی وەزیران لە تشرینی یەکەمی داهاتوودا بودجە پەسەند دەکات و بۆ پەرلەمانی دەنێرێت.