SNN-
بەرپرسێکی حکومەتی عێراق رایگەیاند، دوێنێ یەكشەممە، پڕۆسەی کشاندنەوەی هێزەکانی ئەمریکا لە عێراق كۆتایی هات و تەواوی هێزە شەڕکەرەکان و هێزەکانی پشتیوانی لۆجیستی وڵاتەکەیان جێ هێشتووە.
بەرپرسەکەی حكومەتی عێراق، بە ئاژانسی هەواڵی ئەڵمانیای راگەیاندووە، پڕۆسەی کشاندنەوەکە بە تەواوی کۆتایی پێ هاتووە، بەڵام تا ئێستا هیچ پشتڕاستکردنەوەیەکی فەرمی لە لایەنی ئەمریکییەوە بڵاونەكراوەتەوە.
عێراق و ویلایەتە یەکگرتووەکانی ئەمریکا لە ساڵی 2024دا لەسەر خشتەیەکی زەمەنی ڕێککەوتن بۆ کۆتاییهێنان بە بوونی سەربازی ئەمریکا لە وڵاتەکەدا، بەگوێرەی وەزارەتی بەرگری ئەمریکا، لەم ساڵانەی دواییدا نزیکەی 2500 سەربازی ئەمریکی لە عێراق جێگیر ببوون.
