حکومەتی هەرێم ئەژمێری بانکیی بۆ فەرمانبەرانی دەکاتەوە

SNN-

وەزارەتی دارایی هەرێم ئاگاداری سەرجەم وەزارەت و فەرمانگە نەبەستراوەکانی سەر بە وەزارەتەکەی دەکاتەوە کە ئەژمێری بانکیی بۆ مووچەخۆرانی هەرێم بکەنەوە.

وەزارەتی دارایی بەفەرمانێکی خۆی کە بەرواری دوێنێی بەسەرەوەیە، رایگەیاندووە، ئەو هەنگاوەیان لەچوارچێوەی جێبەجێکردنی یاسای چاکسازیدایە و مەبەست لێی وەرگرتنی مووچەی مانگانەیە.

لە نوسراەکەدا وەزارەتی دارایی دەڵێت: “پێویستە سەرجەم وەزارەتەکان و لایەنی پەیوەندیدار نوسراو ئاڕاستەی بەڕێوەبەرایەتی گشتی ژمێرکاری بکەن بۆ کاری پێویست”.

ئەم هەنگاوەی وەزارەتی دارایی لەکاتێکدایە کە لەساڵی 2020 دا تەنیا یەک مووچە دراوەتە فەرمانبەران و هێشتا مووچەی مانگی 2ی ئەمساڵ دابەشنەکراوە.

نوسراوەکەی وەزارەتی دارایی