ڤیدیۆ:ریاڵ مەدرید گەڕایەوە بۆ پێشەنگی لالیگا

SNN Sport

دوای 24 کاتژمێر، یانەی ریاڵ مەدرید توانی پێشەنگی لە یانەی بەرشەلۆنە وەربگرێتەوەو 2-0 لە یانەی ریاڵ مایۆرکا بباتەوە.

لە یارییەکانی هەفتەی 31ی خولی ئیسپانیا، یانەی ریاڵ مەدرید لە یاریگای “دی ستیفانۆ” میوانداری یانەی ریاڵ مایۆرکای کردو لە ئەنجامدا توانی یاریەکەی 2-0 لێ بباتەوە.

بە درێژایی یاریەکە ریاڵ مەدرید باشتر دەبینرا، ڤینسیۆس توانی لە خولەکی 19 گۆڵی یەکەم بۆ یانەی ریاڵ مەدرید بکات و گێمی یەکەم بەو تاکە گۆڵە تەواو بوو.

لە گێمی دووەم یانەی شاهانە لە لایەن رامۆسەوە سودی لە لێدانێکی راستەوخۆ بینی، توانی گۆڵی دووەم و دڵنیایی لە خولەکی 56 بکات و یاریەکە 2-0 بباتەوە.

بەم 3 خاڵە، یانەی شاهانە لە پێشەنگی خولەکە خاڵەکانی بووە 68 خاڵ و توانی بەرشەلۆنە بۆ پلەی دووەم دابەزێنێتەوە.

لە دوو یاری تری ئەمشەو ئەلاڤێس 1-0 بە یانەی ئۆساسۆنا دۆڕاو سەلتاڤیگۆ 1-0 لە یانەی ریاڵ سۆسیدادی بردەوە.