لەناوچەیەکی کوردنشینی کەرکوک خۆکوژێک کوژرا

SNN- عیماد جەباری

خۆکوژێکی داعش کە بەنیازبوو کردەوەیەکی تیرۆریستی ئەنجامبدات، لەناوچەیەکی کوردنشین کوژرا.

سەرچاوەیەک لەپۆلیسی کەرکوک تایبەت بەSNNی راگەیاند: چەکدارێکی خۆکوژ پلانی هەبووە لەگوندی سەقزلی نزیک حەسار لەباکووری کەرکوک کردەوەیەکی تیرۆریستی ئەنجامبدات، بەڵام پێش گەیشتن بەشوێنی مەبەست کوژراوە.

وتیشی: “ئەو خۆکوژە زانیاری پێشوەختی لەسەر هەبووە و هەواڵگری کەرکوک بەدوایەوە بووە تاوەکو پێش ئەوەی بگاتە شوێنی مەبەست دراوەتە بەر دەسترێژی گولە و کوژراوە”.

ئەوەشی خستەڕوو کە خۆکوژەکە بەنیاز بووە خۆی لەکێڵگەیەکی سنوورەکە بتەقێنێتەوە کە ماڵی برای یەکێک لەئەفسەرە باڵاکانی هەواڵگری کەرکوکی لێیە.