“ئەو تووشبووانەی کۆرۆنا کە نەخۆشی درێژخایەنیان هەیە لە ماڵەوە مەمێننەوە”
کۆرۆنا
SNN-سیروان حهسهن
تهندروستى گهرمیان داوا دەکات، ئەو کەسانەی کە نەخۆشی درێژخایەنیان هەیە و تووشی ڤایرۆسی کۆرۆنا بوون روو لە نەخۆشخانەکان بکەن بۆ وەرگرتنی چارەسەر و مانەوەیان لە ماڵەوە مەترسیدارە.
د. سیروان محهمهد بهرێوهبهرى گشتى تهندروستى گهرمیان بە SNNی راگەیاند: ئهمڕۆ پێنج شهممه تووشبوویەکی کۆرۆنا لە سنووری گەرمیان گیانی لەدەستداوە، ئەو تووشبووە نەخۆشی درێژخایەنی هەبووە و دوای دەرکەوتنی نیشانەی قورسی کۆرۆنا سەردانی نەخۆشخانەی کردووە، دوای دوو رۆژ لە داخڵبوونی گیانی لەدەستداوە.
د. سیروان داواشی كردووه: “ئەو کەسانەی تەمەنیان هەیە یان نەخۆشییەکی درێژخایەنیان هەیە وەک شەکرە و دڵ لە کاتی دەرکەوتنی کەمترین نیشانەی کۆرۆنا بەیانیان سەردانی تاقیگەی قەڵا بکەن بۆ پشکنین و باشترە پزیشکێکی پسپۆریش بیانبینێت و لەماڵەوە چارەسەر وەرنەگرن”.
به پێى زانیارییهكان ئهو كهسهى ئهمرۆ گیانى له دهستداوه به تهمهنه نهخۆشى درێژخایهنى ههبووه، تاوهكو ئێستا له گهرمیان نزیكهى 15 تووشبووی کۆرۆنا گیانیان له دهستداوه.
