بۆ یەکەمجار ترەمپ بەدەمامک-ەوە دەرکەوت

SNN-

لە سەردانێکیدا بۆ نەخۆشخانەی واڵتەررید-ی سەربازیی، دۆناڵد ترەمپ سەرۆکی ئەمریکا بە دەمامک-ەوە دەرکەوت، پاش ئەوەی پێشتر لەهیچ کۆڕ و کۆبوونەوەیەکدا بە دەمامکەوە نەدەبینرا.

لەدوای سەردانەکەی ترەمپ وتی: “گەر تۆ چوویتە نەخۆشخانەیەک پێویست بەوە دەکات کە دەمامک بەکاربهێنیت بۆ پاراستنی تەندروستیی خۆت و دەوروبەرت”.

سەرۆکی ئەمریکا داواشی لەرۆژنامەنووسان و پەیامنێران کرد کە بەردەوام لەرووماڵ و کارەکەیاندا دەستکێش و دەمامک بەکاربهێنن.

پێشتریش دەوترێت لەکاتی سەردانی بۆ کۆمپانیای (فۆرد) دۆناڵد ترەمپ رێنماییەکانی خۆپارێزیی جێبەجێکردووە.