هاوسەرۆكی یەكێتیی نیشتمانیی كوردستان لەگەڵ بریکاری وەزارەتی ناوخۆ و ئەفسەران کۆبوویەوە

SNN

لە چوارچێوەی سەردانەکەیدا بۆ شاری هەولێر لاهور شێخ جەنگی هاوسەرۆکی یەکێتی، بە ئامادەبوونی لیوا چەتۆ ساڵح بریکاری وەزارەتی ناوخۆ و ژمارەیەک لە ئەندامانی مەکتەبی سیاسی و سەرکردایەتی لەگەڵ ئەفسەرانی پلە باڵای یەکێتیی نیشتمانیی کوردستان لە وەزارەتی ناوخۆ کۆبوویەوە.

لەسەرەتای قسەکانیدا هاوسەرۆکی یەکێتی رایگەیاند: “کە سەرۆکایەتی نوێی یەکێتی دێتەوە هەولێر و لەگەڵ هەولێرییە ئازا و ئازاده‌کان خەباتی سیاسی و مه‌ده‌نی و دیپلۆماتی و نیشتمانیی بره‌و پێ ده‌ده‌ن”.

هەروەها لەبەشێکی دیکەی قسەکانیدا هاوسەرۆکی یەکێتی بە ئامادەبووانی رایگەیاند: کە تاکە مەرجەعی یەکێتی لە وەزارەتی ناوخۆ لیوا چەتۆ ساڵحە، بریکاری وەزارەتی ناوخۆیە و پێویستە هەموو ئەفسەران و نوێنەرانی یەکێتی لە وەزارەتی ناوخۆ و سەرجەم دامودەزگاکان پابەندی ئەم پەیامە بن هەموو ئەرکە ئیداری و یاساییەکان لە رێگەی بریکارەوە بێت.