ئەمڕۆ كهمترین ڕێژهى تووشبوون بە کۆرۆنا له گهرمیان تۆمار كرا
نەخۆشخانەیەکی کۆرۆنا لە گەرمیان
SNN- سیروان حهسهن
له گهرمیان به تۆماركردنى 24 حاڵهتى تووشبوو به ڤایرۆسی كۆرۆنا كهمترین ڕێژهى تووشبوون تۆمار دهكرێت و تهنها 37 كهسیش له نهخۆشخانه ماونهتهوه، لایهنى پزیشكیش دهڵێن خۆپارێزى و تووشوبوونى ژمارهیهكى زۆرى هاووڵاتیان هۆكارى كهمبوونهوهیهتى.
ئهیاد محهمهد بهرپرسى تاقیگهكانى تهندروستى گهرمیان بهSNNى راگهیاند؛ ڕۆژانه له سنوورى گهرمیان 200 پشكنین بۆ کۆرۆنا ئهنجامدهدهین و ئهمڕۆ كهمترین ڕێژهى تووشبوون تۆماركراوه كه 24 هاووڵاتى بووه.
وتیشى: “لەگهڵ كهمبوونهوهى ڕێژهى تووشبوون، هاوكات چاكبوونهوهى نهخۆشهكانیش زیاتر بووه و له ئێستادا تهنها 37 كهس له نهخۆشخانهى تایبهت به كۆرۆنا ماونهتهوه”.
لهبارهى هۆكارى كهمبوونهوهى ڕێژهى تووشبوون ئهیاد محهمهد ئاماژهى بهوهدا، یهكێك له هۆكارهكان ئهوهیه پێشتر هاووڵاتییهكى زۆر تووشى ڤایرۆسهكه بوون، ههروهها خۆپارێزى هاووڵاتیان كه پێشتر بارودۆخهكهیان به ههند وهرنهگرتبوو، بهڵام ئێستا زۆربهى به جدى مامهڵهى لەگهڵدا دهكهن.
بهرپرسی تاقیگهكانى تهندروستى گهرمیان داواشى له هاووڵاتیان كرد بۆ ئهوهى بتوانن به تهواوهتى كۆرۆنا له سنوورى گهرمیان كۆنترۆل بكهن، پێویسته له ڕۆژانى جهژن خۆپارێزى زۆر باش ئهنجامبدهن و ههوڵبدهن كهمترین بهركهوته و تێكهڵاوى كۆڕ و كۆبوونهوهیان ههبێت.
