کۆرۆنا کارگەیەکی زەبەلاحی جیهانیی لە دانیمارک داخست

SNN-

کۆمپانیای زەبەلاحی گۆشت بەناوی (دانیش کراون) کە کۆمپانیایەکی دانیمارکی گەورەیە، بەهۆی تووشبوونی ژمارەیەکی زۆر لە کارمەندەکانی، کارەکانی خۆی راگرت.

کوشتارگەی رینگستاد کە 50 کلم لە شاری کۆبنهاگنی پایتەختەوە دوورە، 900 کرێکاری هەیە و ساڵانە دەیان هەزار سەر بەرازی تێدا سەردەبڕدرێت.

کۆمپانیاکە لە بەیاننامەیەکیدا دەڵێت: “150 کارمەند پاش پشکنین دەرکەوتووە کە تووشی ڤایرۆسی کۆرۆنا بوون و بەو هۆیەشەو بۆ ماوەی یەک هەفتە کۆمپانیاکە کارەکانی رادەگرێت”.

ڤایرۆسی کۆرۆنا لە دانیمارک تەشەنەی کردووە بەشێوەیەکی بەرچاو و رۆژی هەینیش ميته فريديركسن سەرۆکوەزیرانی دانیمارک رایگەیاند “بە نیازن دەمامک بکەنە زۆرەملێ لە شوێنە گشتییەکاندا”.