کۆمکاری عەرەبی هۆشداریی لە تەقینەوەی کەشتییەکی گەورەی نەوت دەدات
کەشتییە نەوتهەڵگرەکە
SNN
ئەمینداری گشتیی کۆمکاری عەرەبی هۆشداریی دەدات لە حاڵەتی زۆر مەترسیداری کەشتی سافر کە 1 ملیۆن بەرمیل نەوتی هەڵگرتووە و لە کەناراوەکانی ژێر کۆنترۆڵی حوسییەکانی یەمەن لەنگەری گرتووە.
ئەحمەد ئەبولغەیت دەڵێت: “کارەساتەکەی لوبنان پێماندەڵێت راگرتنی ئەو کەشتییە زەبەلاحە کە لەساڵی 2015ەوە هیچ چاکسازییەکی بۆ نەکراوە، ئاماژەی خراپی هەیە”.
داواشیکرد هەرچی زووە ئەنجوومەنی ئاسایش بێتە سەر هێڵ و تیم بنێرێتە ناو ئەو نەوتگوێزەرەوەیە بۆ ئەنجامدانی کاری پێویست.
پێشتر هۆشداریی درابوو لەلایەن نەتەوە یەکگرتووەکانەوە کە ژووری کۆنترۆڵی کەشتییەکە شکاوە و ئەگەری ئاو تێچوونی هەیە، گەر چاکسازی بۆ نەکرێت کارەسات روودەدات لە دەریای سووردا.
