وهزارهتى خوێندنى باڵا بڕیار له بارهى دهستپێكى ساڵى نوێى خوێندن دهدات
وەزارەتی خوێندنی باڵا
SNN-ههوراز ئهحمهد
وتەبێژی وەزارەتی خوێندنی باڵا و توێژینەوەی زانستی هەرێمی کوردستان رایگەیاند” هەفتەی داهاتوو بڕیار دهدرێت له بارهى دهستپێكردنهوه دەوامی زانكۆو پەیمانگەكان بۆ ساڵی نوێی خوێندن، بۆ ئەمەش چەند پێشنیازێک کراون”.
عەباس ئەكرەم، وتەبێژی وەزارەتی خوێندنی باڵا و توێژینەوەی زانستی بە SNNى رایگەیاند “هەفتەی داهاتوو بڕیار لەسەر ئەوە دەدرێت كەی دەوامی زانكۆو پەیمانگەكان بۆ ساڵی نوێی خوێندنی 2020بۆ 2021 دەستپێدەكات چهند بژاردهیهك خراوهته روو له پێناو بهرژهوهندى خوێندكاران و پرۆسهى خوێندن تاوتوێی باشترین بژارده دهكرێت”.
وتیشى”ئەنجوومەنی وەزارەتی خوێندنی باڵا هەفتەی داهاتوو كۆدەبێتەوە لەو كۆبوونەوەیەدا بڕیار لەسەر رۆژێك دەدرێت بۆ دەستپێكردنی خوێندنی ساڵی نوێ لە زانكۆ و پەیمانگەكان بە ئەهلی و حكومییهكانیشهوه”.
ئاماژەی بەوەشدا ” لیژنەیەك بە سەرپەرشتی بریكاری وەزارەت بۆ چۆنێتی دەستپێكردنی ساڵی نوێی خوێندنی پێكهاتووە، لیژنەكە چەند پێشنیازێكی جیاوازی كردووە یەكێك لە پێشنیازەكان ئەوەیە لە 1ی ئەیلول، دەوام بەشێوازی ئەلیكترۆنی دەستپێبكات دیارە پێشنیازی دیكەش كراوە، بەڵام هەمووان چاوەڕێی كۆبوونەوەی ئەنجوومەنی وەزارەت دەكەین بۆ چۆنێتی دەستپێكردنی ساڵی نوێی خوێندن”.
جێگاى ئاماژه پێكردنه، لە هەرێمی كوردستان 17 زانكۆی حكومی و 19 زانكۆی ئەهلی و 14 پەیمانگای ئەهلی بوونى ههیه، ساڵی خوێندنی 2019-2020 بەهۆی بڵاوبوونەوەی ڤایرۆسی کۆرۆنا پرۆسهى خوێندن تەواونەکرا.
