ماوەی 5 رۆژە پزیشکانی نەخۆشخانەکانی فریاکەوتنی سلێمانی مانیانیانگرتووە

SNN

بەهۆی نەدانی مووچەکانیان، ماوەی پێنج رۆژە پزیشکانی نەخۆشخانەکانی فریاکەوتنی سلێمانی مانیانیانگرتووە و بایکۆتی دەواماینکردووە.

ئەو پزیشکانە ئەمڕۆ یاداشتێکیان داوەتە لایەنی بەرپرس کە ئامادە نین بە بێ مووچە دەوام بکەن، لەبەرئەوەی وەک خۆیان دەڵێن: “ماوەی 8 مانگە دوو مووچەیان وەرگرتووە کە یەکێکیان بە لێبڕینەوە بووە”.

ئەو پزیشکانە کە ژمارەیان 1000 پزیشک دەبێت، دەشڵێن: “لایەنی بەرپرس تا ئێستا هیچ وەڵامێکیان نەبووە و لە روودانی هەر ئەگەرێکی نەخوزراو، لایەنی بەرپرس بەرپرسیارە”.

محەمەد کەمال نوێنەری پزیشکانی مانگرتوو لە کۆنگرەیەکی رۆژنامەوانیدا داوایکرد “هەرچی زووە حکومەتی هەرێمی کوردستان مووچەی مانگی سێ بەبێ لێبڕین دابەش بکات”.