کاتی سەردانی وەفدی هەرێم بۆ بەغدا ئاشکرا بوو

SNN – مەودا مستەفا

وەزیری پلاندانانی حکومەتی هەرێمی کوردستان دەڵێت: “لە دوو هەفتەی داهاتوودا وەفدی حکومەتی هەرێمی کوردستان سەردانی شاری بەغدا دەکاتەوە”.

دارا ڕەشید لە کۆنگرەیەکی رۆژنامەوانیدا ئەمڕۆ یەکشەممە رایگه‌یاند: “ئەم رێککەوتنەی دواییمان کە لەگەڵ عێراق واژوو کراوە، تا کۆتایی ئەمساڵ بەرکار دەبێت”.

وتیشی: “لەبەرئەوەی تا ئێستا پرۆژەیاسای بودجەی گشتی عێراق بۆ ساڵی 2020 ئامادەنەکرا، رێككەوتنەکەی هەرێم لەگەڵ بەغدا بەشێوەیەک واژوو کراوە کە تەنيا بۆ ئەمساڵ بێت و لە ساڵی داهاتوودا پێویستمان بە رێککەوتنی دیکە دەبێت”.

دارا رەشید وتیشی: “ئەوەندە نییە سەرۆکوەزیرانی عێراق لە سەردانەکەی لە ئەمریکا گەڕاوەتەوە، بۆیە رەنگە کۆتایی ئەم هەفتەیە یاخود سەرەتای هەفتەی داهاتوو وەفدی هەرێم بچێتەوە بۆ بەغدا”.