رۆحانی: ئەمریکا وای لێهاتووە رۆژانە لە ئەنجومەنی ئاسایشدا تووشی شکست دێت

SNN

سەرۆککۆماری ئیسلامی ئێران رایدەگەیەنێت “ویلایەتە یەکگرتووەکانی ئەمریکا وای لێهاتووە رۆژانە تووشی شکست و دۆڕان دێت لە ئەنجومەنی ئاسایشدا”.

حەسەن رۆحانی لەمیانی لێدوانێکی رۆژانەیدا ئەمڕۆ چوارشەممە رایگەیاند “ئەو شکستەی رۆژانە تووشی ئەمریکا دەبێت، هۆکارەکەی بەرهەڵستکاریی نەتەوەی ئێرانە دژی واشنتن”.

وتیشی: “پێداگریی دپلۆماتکارەکانمان وایکردووە ئەمریکیییەکان لە ئەنجومانی ئاسایش تووشی شکست ببن”.

قسەکانی رۆحانی دوای ئەوە هات کە دیان جانی نوێنەری ئەندەنوسیا و سەرۆکی خولی ئێستای ئەنجومەنی ئاسایش وتی: “ئەو پێشنیازەی ئەمریکییەکان کردوویانە بۆ دووبارە سەپاندنی سزا بەسەر ئێراندا سەر ناگرێت”.

لە کۆی 15 دەوڵەت کە ئەندامی ئەنجومەنی ئاسایشن، 13 یان رەتیان کردەوە دەنگ دژی ئێران بدەن و تەنها ئەمریکا و کۆماری دۆمنیکان لە بەرژەوەندی پێشنیازەکە دەنگیان دا.