سوپاى پاسداران 3 كۆڵبهرى ڕۆژهەڵاتی کوردستانى كوشت
وێنهى ئهو دوو گهنجهى كه بوونه قوربانى | فۆتۆ: SNN
SNN – محەمەد مستەفا
بەهۆی تەقەی سوپای پاسداران لەسەر سنووری نێوان باشوور و ڕۆژهەڵاتی کوردستان، لە سنووری قەزای پشدەر سێ کاسبکاری خەڵکی شاری سەردەشت کوژران و چەند کاسبکارێکی تریش بێسەروشوێن بوون.
محەمەد مستەفا، پهیامنێرى SNN له ڕاپهڕین رایگهیاند: “دوێنی چوارشەممە سوپای پاسداران لەسەر سنوور تەقەیان لە چەند کاسبکارێکی کورد کردووە کە بە قاچاغ کەلوپەل لەنێوان باشوور و ڕۆژهەڵاتی کوردستان ئاڵوگۆڕدەکەن، بەو هۆیەشەوە سێ کاسبکاری کوردی شاری سەردەشت بە سەختی برینداربوون”.
وتیشى: “بهپێى ئهو زانیارییانهى كه من له كۆڵبهرێكم وهرگرتوون، بەهۆی سەختی برینەکانیان شەوی رابردوو ئەو سێ گەنجە گیانیان لە دەستداوە، هاوکات ئەمڕۆ پێنجشەممە بەشێک لەو کاسبکارانە دۆزرانەوە کە دوێنێ لە کاتی تەقەکردن لێیان بێسەروشوێن بووبوون”.
