شەڕە چەقۆ لە شارێکی بەریتانیا قوربانی لێکەوتەوە

SNN

پۆلیسی شاری بێرمینگهام لە بەریتانیا رایگەیاند “رووداوێکی گەورەی شەڕە چەقۆ لە بەرەبەیانی ئەمڕۆدا روویداوە و لە بەیاننامەکەیدا بە (کارەساتێکی گەورە) وەسفیکردووە”.

لە بەیاننامەیەکدا پۆلیسی وێست میدلاندز دەڵێت: “کاتژمێر 1ی بەرەبەیانی ئەمڕۆ شەڕە چەقۆیەکی گەورە لە ناوەڕاستی شاری بێرمینگهام روویداوە و قوربانیش هەبووە”.

بەیاننامەکەی پۆلیس دەڵێت: “زانیاریمان هەیە کە ژمارەیەک هاووڵاتی بریندارن، بەڵام هێشتا دڵنیا نین لە ئاماری راستەقینە، بۆیە ئاشکرای ناکەین”.

کەناڵی بی بی سی لەڕێگەی پەیامنێرەکەیەوە لە شوێنی رووداوەکە ئاشکرایکردووە کە پۆلیس (گوندی هاوڕەگەزبازان)ی تەوق داوە، چونکە شەڕەکە لەوێدا روویداوە.