پەرلەمانی كوردستان بەدواداچوون بۆ نرخی گۆڕ لە سلێمانی دەکات
SNN- مەودا مستەفا
ئەندامێكی لیژنەی شاروانی و گواستنەوە لە پەرلەمانی كوردستان رایدەگەێنێت: لەم هەفتەیە كۆبوونەوەی لیژنەی شاروانی ئەنجامدەدەین و بڕیار وایە بەدواداچوون لەسەر ئەو پرسە بكەین، چونكە ناكرێت بۆ هەڵكەندی گۆڕ پارەیەکی زیاتر لە هاووڵاییان وەربگیردرێت.
محێدین حەسەن، ئەندامی لیژنەی شارەوانی و گەشتو گوزار لە پەرلەمانی كوردستان بە SNNی راگەیاند: بە نیازین وەكو لیژنەی شارەوانی لە كۆبوونەوەی ئەم هەفتەیە گفتوگۆی لەسەر بكەین .
وتیشی: لەم دۆخەی ئێستادا ناكرێت پارە لە هاووڵاتییان وەربگیردرێت، لەبەری ئەوەی ئاسانكاریان بۆ بكرێت كەچی هێندەی دیكە باری سەر هاووڵاتییان قورستر دەكرێت.
حكومەتی هەرێم بڕیاریداوە ناشتنی مردوو لە گۆڕستانە نوێیەكەی سلێمانی بكرێت بە پارە، ئەو كۆمپانیایەی كە تایبەتە بە ناشتنی مردوو لە سلێمانی رایگەیاندبوو، نرخی گۆڕی منداڵی خوار 12 ساڵ 175 هەزارە و بۆ سەروو ئەو تەمەنەش 260 هەزارە كە زیاتر لە نیوەی بۆ گۆڕهەڵكەندنەكەیە.
