یهكهم لێدوانی پیانیچ پاش گهیشتنی بە بهرشەلۆنه
میرالیم پیانیچ
SNN Sport
میرالیم پیانیچی بۆسنی یاریزانی پێشووی یۆڤانتۆس كه تازە پهیوهندی كردووه به یانهی بهرشەلۆنەوەو ،پاش ئهوهی به تهواوی له ڤایرۆسی كۆرۆنا چاكبووەوە كه له رابروودا تووشی بوو ،له ئێستا ئێسپانیایەو شەوی رابردوو گەیشتە بەرشەلۆنە.
له یهكهم لێدوانی بۆ پێگهی فهرمی یانهی بهرشەلۆنه پاش گەیشتنی بۆ شاری بەرشەلۆنە وتی:” ئهمە رۆژێكی زۆر تایبهته بۆ من ، زۆر دڵخۆشم ، من به پهرۆشم بۆ بینینی هاوڕێكانم له تیپه نوێیهكه، و دهڕوانمه پێشهوه بۆ وهرزی داهاتوو “.
ههروهها وتی:” هیوادارم بتوانم یارمهتی بهرشەلۆنه بدهم له سهر بهدهستهێنانی نازناوهكان ، من له ئامادهكاریی تهواوم بۆ ئهوهی چی له توانامدایه بیخهمه گهڕ له پێناو تیپهكه “.
وتیشی:” ههست دهكهم كه ئامادهم بۆ ئهوه ، سهرباری ئهوهی دوو ههفتهم له ماڵهوه بەسەر بردووە ، بهڵام ههوڵمدا پارێزگاری له لێهاتووی جهستهییم بكهم ، ئێستاش من چاوهڕوانم پهیوەندی به گرووپهكه بكهم”.
جێی باسه پشكنینهكانی ئهو یاریزانه بۆسنییه له 22ی ئابی رابردوو پۆزهتیڤ بوون، ئەمەش پاش ههستكردنی به ههندێک بێزاری ، لهو كاتهوه له کەرەنتینهی تهندروستیدا بوو ، وهكو پێشبینیش دهكرا له كاتێكی درەنگدا گهیشته یانهكه.
