ڤیدیۆ:ریاڵ مەدرید سێ خاڵی قورسی بە دەستهێنا

SNN Sport

لە خولی ئیسپانیاو لە هەفتەی پێنجەم، یانەی ریاڵ مەدرید سێ خاڵی قورس و گرنگی بە دەستهێناو توانی 2-0 لە یانەی لیڤانتی بباتەوە.

یاریەکە لە یاریگای لیڤانتی ئەنجامدرا، سەرەتاو لە خولەکی 16 ڤینسیۆس جۆنیۆر توانی گۆڵی پێشکەوتن بۆ ریاڵ مەدرید بکات و گێمی یەکەم بەم تاکە گۆڵە تەواو بوو.

لە گێمی دووەم زیدان چەند گۆڕانکارییەکی ئەنجامدا، لیڤانتی نزیکبوو گۆڵی یەکسانبوونەوە بکاتەوە، بەڵام سەرکەوتوو نەبوو، لە خولەکی 95ی یاریەکە کەریم بنزیمە توانی گۆڵی دووەم و دڵنیایی بۆ یانەکەی بکات و 2-0  بردنەوە تۆمار بکەن.

بەم سێ خاڵە ریاڵ مەدرید لە چوار یاریدا 10 خاڵی هەیەو بە کاتی لە پلەی یەکەمی خولەکە دەبینرێت.

بنزیمە پێنجەم یاریزانە گۆڵی ژمارە250  بۆ ریاڵ مەدرید بکات:

• رۆناڵدۆ 450 گۆڵ
• رائول 323 گۆڵ
• دی ستیفانۆ 308 گۆڵ
• کارلۆس سانتیانا 290 گۆڵ
• بنزیمە 250 گۆڵ