لە دیبەیتەکەی ئەمشەوی بایدن و ترەمپ مایکەکان بێدەنگ دەکرێت

SNN

کۆمیسیۆنی دیبەیتەکانی سەرۆکایەتیی ئەمەریکا رایدەگەیەنێت: یاساکان دەگۆڕێت بۆ ئەوەی رێگری بکات لەوەی دووبارە ترەمپ و بایدن قسە بەیەکتری ببڕن لە دیبەیتەکەی سبەیاندا.

21 رۆژ دوای دیبەیتی یەکەمیان و بۆ ئەوەی رێگە لە دروستبوونی دەمەقاڵێی نێوانیان بگیرێت، بڕیار و رێنمایی نوێ بۆ دیبەیتی دووەمی دۆناڵد ترەمپ، سەرۆکی ئەمەریکا و، جۆو بایدن، کاندیدی دیموکراتەکان بۆ سەرۆکایەتیی ئەمەریکا دەرچووە.

لە دیبەیتەکەی سبەی پێنجشەممە، 22ی تشرینی یەکەم، نێوان ترەمپ و بایدن، کە بڕیارە لە ناشڤیڵ بەڕێوەبچێت، کاتێک هەر یەکێکیان قسە دەکات، مایکی ئەوی دیکەیان دادەخرێت بۆ ئەوەی ئەو بەربژێرەی قسەدەکات، بتوانێت بە هێمنی پەیامەکەی خۆی بۆ دەنگدەران بنێرێت، چونکە لە دیبەیتی یەکەمدا کە ماوەکەی 90 خولەک بوو، بایدن و ترەمپ دەرفەتیان بە یەکدی نەدەدا قسەکانیان تەواو بکەن.

بەگوێرەی رێنماییە نوێیەکانی دیبەیتەکە بایدن و ترەمپ، لە دەستپێکی دیبەیتەکەدا هەریەکێکیان دوو خولەک کاتی پێدەدرێت بۆ ئەوەی وەڵامی پرسیارەکانی پێشکەشکاری دیبەیتەکە بداتەوە، هەر یەکێکیان بۆی هەیە 15 خولەک لەبارەی دیدگە و تێڕوانینی خۆی قسە بکات.