ئەردۆغان و رۆحانی: هەماهەنگی نێوانمان بەهێزتر دەکەین

SNN

ئەمڕۆ سەرۆکی تورکیا و هاوتا ئێرانیەکەی لە پەیوەندییەکی تەلەفۆنیدا جەختیان لە بەهێزکردنی هەماهەنگی نێوان هەردوو وڵاتەکە کردەوە.

فەرمانگەی پەیوەندییەکان سەربە سەرۆکایەتی کۆماری تورکیا لە راگەیەندراوێکدا نوسیویەتی: “ئەردۆغان و رۆحانی باسیان لە پێشخستنی پەیوەندییەکانی نێوان وڵاتەکانیان بەتایبەت لە بەرەنگاربوونەوەی تیرۆر کردەوە (تورکیا پەکەکە بە رێکخراوێکی تیرۆرستی لەقەڵامداوە)”.

هەردوولا باسیان لە چەند پێشهاتێکی ناوچەکە کردم لە نێویشیاندا شەڕی نێوان ئەرمینیا و ئازەربایجان، ئەردۆغان لەوبارەیەوە هێرشی کردووەتە سەر ئەرمینیا و بە “داگیرکار” وەسفیکردووە.

لە میانی پەیوەندییە تەلەفۆنییەکەدا، ئەردۆغان و روحانی باسیان لە پێشخستنی پەیوەندییەکانی نێوان ئێران و تورکیا، بەھێزکردنی ھاریکاری لە بەرەنگاربوونەوەی تیرۆر کردووە، ھاوکات ھەڵسەنگاندنیان بۆ پرسەکانی ئازەربایجان-ئەرمینیا، سووریا و بابەتەکانی ناوچەکە کردووە.