نوێترین زانیاری لەسەر ئامادەبوونی رۆناڵدۆ و بۆنۆچی و کیلینی بۆ یاری بەرشەلۆنە

SNN Sport

ئەمڕۆ سێشەممە، رۆژێک پێش یاری بەرامبەر بە یانەی بەرشەلۆنە لە قۆناغی گروپەکانی خولی یانە پاڵەوانەکانی ئەوروپا، یانەی یۆڤانتۆس مەشق و راهێنانە بە کۆمەڵەکانی ئەنجامدایەوە و لە کاتی راهێنانەکانیش هەریەکە لە رۆناڵدۆ و بۆنۆچی و کیلینی نەبینران.

رۆژنامەکانی ئیسپانیا بڵاویانکردووەتەوە، کریستیانۆ رۆناڵدۆ ئەمڕۆ مەشق و راهێنانی نەکردووە،کیلینیش ئامادە نەبووە لە مەشقەکان و بۆنۆچیش مەشق و راهێنانی بە جیا پێکراوە و لەگەڵ هاوڕێکانی نەیتوانیوە راهێنان بکات.
بەڵام دی لێگتی بەرگریکاری هۆڵەندی بەتەواوی لە دوای ئەنجامدانی نەشتەرگەری چاکبووەتەوە ، بەڵام بە پێی زانیارییەکانی کەناڵی سکای سپۆرت ئامادە  یاریەکە نابێت.
بە قسەی رۆژنامەکانی ئیتاڵیا، ئەمڕۆ پشکنینی ڤایرۆسی کۆرۆنا بۆ کریستیانۆ رۆناڵدۆ دەکرێتەوە، ئەگەر ڤایرۆسەکە لە جەستەیدا بوونی هەبێت، ئەوا ئامادەی یاریەکە نابێت، بەڵام ئەگەر پشکنینەکە نێگەتیڤ بوو، ئەوا سبەی بەرامبەر بە میسی یاری دەکات.

سبەی چوارشەممە، لە دووەم دەرکەوتنیدا لە خولی یانە پاڵەوانەکانی ئەوروپا، هەردوو یانەی یۆڤانتۆس و بەرشەلۆنە لە کاتژمێر 11:00 لە یاریگای یۆڤانتۆس لە شاری تۆرینۆی ئیتاڵی رووبەڕووی یەکدەبنەوە.