هندییەکان ئاهەنگیان گێڕا بۆ هەڵبژاردنی کامالا هاریس

SNN

هندییەکان بۆ خۆشی دەربڕین بە هەڵبژاردنی کامالا هاریس وەک جێگری سەرۆکی ئەمریکا ئاهەنگیان گێڕا و دڵخۆشیی خۆیان بە سەرکەوتنی ئەو ژنە بە ئەسڵ هندییە دەربڕی.

دانیشتوانی گوندی تولاسيندرابورام کە دەکەوێتە ویلایەتی تامیل نادۆ، شوێنی لەدایکبوونی باپیرەیەتی، بە وێنەی کامالا و پاڕانەوە لە پەرستگاکەیان خۆشی خۆیان دەربڕی.

دانیشتوانی گوندەکە بوکەڵەیەکی کامالایان دروستکردبوو، لێیان نووسیوە (پیرۆزە کامالا هاریس) کە لە تەمەنی 56 ساڵیدا ئەو پۆستەی پێرداوە.

ئێوارەی رۆژی شەممە پاش تەواوبوونی ژماردنی دەنگی هەموو ویلایەتەکان، جۆو بایدن، کورسی سەرۆکایەتیی بۆ خۆی مسۆگەر کرد و بووە 46ەمین سەرۆکی ئەمریکا و لەگەڵ کامالا هاریس-ی جیگری دەچنە کۆشکی سپی.

بایدن و هاریس لە وەختێکدا ئەم پۆستەیان وەرگرتووە، کە ئەمریکا دووچاری گەورەترین قەیرانی تەندروستی بۆتەوە لە 100 ساڵی رابردوودا کە کۆرۆنایە، جگە لە خراپبوونی دۆخی ئابووری و کێشەی کۆمەڵایەتی نێو کۆمەڵگەی ئەمریکی دوای کوژرانی جۆرج فلۆید لەسەر دەستی پۆلیسی ئەو وڵاتە کە رەشپێستێکی غەیرە ئەمریکی بوو.

کامالا هاریس، باپیرانی خەڵكی گوندێکی هیندستانن، باوکی بە رەچەڵەک هیندی و دایکیشی جامایکییە، گوندەکەی کامالا ژمارەی دانیشتوانی 350 کەسە.