51 حاڵه‌تى نوێى تووشبوون به كۆرۆنا له عێراق راگه‌یه‌نرا
SNN-
وەزارەتی تەندروستیی عێراق رایگەیاند: ئەمڕۆ 2548 پشکنین کراوە و تائێستاش کۆی ژمارەی پشکنین گەیشتۆتە 129701 و 51 حاڵەتی نوێی کۆرۆنا ئاشکرابووە.
وەزارەتی تەندروستیی عێراق ئەوەشی خستۆتەڕوو، کە هەر ئەمڕۆ 56 کەسی دیکە لە ڤایرۆسی کۆرۆنا چاکبوونەتەوە و کۆی ئەوانەی تائێستا پەتاکەیان تێپەڕاندووە، گەیشتۆتە 1790 کەس.
هەر لەڕاگەیەنراوەکەدا هاتووە کە ئەمڕۆ یەکشەممە 11ی ئایار کەسێکی دیکە بە پەتای کۆرۆنا گیانی لەدەستداوە و کۆی ئەوانەی تائێستا مردوون، گەیشتۆتە 110 کەس.
تائێستا لە عێراق کۆی ئەوانەی تووشی ڤایرۆسی کۆرۆنا بوون، بۆ 2818 کەس بەرز بۆتەوە.
