ترەمپ هەرەشەی توند لە ئێران دەکات

SNN

پاش ئەوەی چەند رۆژی رابردوو باڵیۆزخانەی ئەمریکا لە بەغدا بە چەند مووشەکێک کرایە ئامانج، دۆناڵد ترەمپ هەرەشەی توند ئاراستەی ئێران دەکات.

ئەو هێرشانەی کە کرایە سەر باڵیۆزخانەی ئەمریکا ترەمپ لە تویتێکدا ئێرانی پێ تۆمەتبار دەکات و دەڵێت: هەر سەربازێکی ئەمریکی لە عێراق بکوژرێت بە بێ بیانو ئۆباڵەکەی لە گەردی ئێرانە، بەپێی هەندێک زانیاری ئاماژە بەوەدەکرێت کە ترەمپ لە کۆشکی تاوتوێی لێدانی ئێرانی کردووە.

20ی ئەم مانگە چەند مووشەکێک ئاراستەی ناوچەی سەوزی بەغدا کران، بەشێکیان بەهۆی سیستمی بەرگری ئاسمانی C-RAM تواندرا بەرپەرچی بدرێتەوەو بەشێکی دیکەشی کەوتە نێو ماڵی هاووڵاتییان بەبێ هیچ زیانێکی گیانی.