لەسەر کڕینی دوو یاریگای گۆڵف داوای لێکۆڵینەوە لە ترەمپ دەکرێت
photo/AP
SNN
ژمارەیەک پەرلەمانتاری سکۆتلاند داوا لە دەسەڵاتدارانی وڵاتەکەیان دەکەن لێکۆڵینەوە لە سەرۆکی پێشووی ئەمریکا و رێكخراوى ترەمپ بکرێت بەوەی چۆن و لە چ رێگەیەکەوە توانیویانە دوو یاریگای گۆڵف لە سکۆتلاند بکڕن.
رۆژنامەی واشنتن پۆست دەڵێت: “ئەم کەمپەینە پەرلەمانتارانی پارتی سەوز سەرپەرشتیدەکەن و داوا لە نیکۆلا ستیرجن، سەرۆکوەزیران دەکەن لەو دۆسیەیه بکۆڵێتەوە”.
لەکاتێکدا رێکخراوی ترەمپ نەیتوانی (پاکیی) ئەو پارەیە بسەلمێنێت هەموو موڵکەکانی رێکخراوەکە لەناو خاکی سکۆتلاند دەستیبەسەردا دەگیرێت.
دەوترێت دۆناڵد ترەمپ سەرۆکی پێشووی ئەمریکا و رێکخراوەکەی ساڵی 2006 ئەو دوو یاریگایەیان کڕیووە.
پاتریک هارڤی پەرلەمانتار لە پارتی سەوز دەڵێت: “ترەمپ کەسێکی پیسە و رێکخراوەکەشی براندێکی ژەهراوییە، دەبێت و مافی خۆیانە سکۆتلەندییەکان بزانن سەرچاوەی ئەو پارەیە لەکوێوە هاتووە کە ئەو موڵکانەی پێ کڕدراوە”.
