چوار ملیۆن کەس لە عێراق بێکاربوون
چوار ملیۆن کەس لە عێراق کارەکانیان لەدەستداوە
SNN
وه‌زیرى كار و كاروبارى كۆمه‌ڵایه‌تى حكومه‌تى عێراق رایگه‌یاند، بەهۆی لێکەوتەکانی بڵاوبوونەوەی ڤایرۆسی کۆرۆناوە چوار ملیۆن کەس لە عێراق کارەکانیان لەدەستداوە.
عادل ركابى وه‌زیرى كارو كاروبارى كۆمه‌ڵایه‌تى له چاوپێکەوتنێکیدا لەگەڵ کەناڵی شەرقیە رایگه‌یاند، “نزیكه‌ى 11 ملیۆن كه‌س داواى بیمەی بێکاریان كردووه، وه‌زاره‌تەکەمان کەسانی ناشایسته لەو لیستەدا دووردەخاتەوە”.
وتیشی: “تا ئێستا 900 هه‌زار كه‌س سوودمه‌ندبوون له بیمەی بێکاری. به بڕى 175 هه‌زار دینار بۆ هه‌ر كه‌سێك”.
ئاماژەی بەوەشکرد، زیاتر له 300 هه‌زار كرێكارى بیانى له عێراق كارده‌كه‌ن، کە 90%یان مۆڵه‌تى یاساییان نییه و بوونیان له عێراق نا یاساییه.
بەهۆی بڵاوبوونەوەی ڤایرۆسی کۆرۆنا لە عێراق و قەدەغەی هاتوچۆوە، زیانی ماددی بەر بەشێک لە هاووڵاتیان و کرێکارانی عێراق کەوتووە.
