كۆمپانیایه‌كى ترى نه‌وتى كاره‌كانى له‌ هه‌رێم هه‌ڵپه‌سارد

0
440

SNN
ئه‌مڕۆ چوارشه‌ممه‌ كۆمپانیاى هاڵیبه‌رتنى ئه‌مریكى كه‌ تایبه‌ته‌ به‌ خزمه‌تگوزارى نه‌وتى كاره‌كانى له‌ هه‌رێم هه‌ڵپه‌سارد.

پێگه‌ى ئیراكى ئۆیه‌ڵ ریپۆرت بڵاویكرده‌وه‌، “دوێنێ سێشه‌ممه‌ كۆمپانیاى هاڵیبه‌رتنى ئه‌مریكى كه‌ كۆمپانیایه‌كى خزمه‌تگوزاریی نه‌وتییه‌ و له‌ هه‌رێمى كوردستان كار ده‌كات پابه‌ندبوونى خۆى به‌ بڕیاره‌كانى دادگاى فیدراڵى راگه‌یاندووه‌ و له‌ هه‌رێمى كوردستان كشاوه‌ته‌وه‌”.

پێگه‌كه‌ ئه‌وه‌شى ئاشكرا كردووه‌، “كۆمپانیاكه‌ له‌ ئێستادا به‌شێوه‌یه‌كى كاتى كاره‌كانى هه‌ڵپه‌ساردووه‌ و نامه‌یه‌كیشى بۆ ئیحسان عه‌بدولجه‌بار، وه‌زیرى نه‌وتى عێراق ناردووه‌ و تێیدا رایگه‌یاندووه‌، ناچێته‌ هیچ گرێبه‌ستێكى نوێوه‌ به‌بێ ره‌زامه‌ندى حكومه‌تى ناوه‌ندى و كاره‌كاتى هه‌ڵده‌په‌سێرێت”.

نامه‌كه‌ى كۆمپانیاى هێڵبه‌رتن له‌ وه‌ڵامى نامه‌یه‌كدا دێت كه‌ وه‌زاره‌تى نه‌وتى عێراق ناردوویه‌تى بۆ ئه‌و كۆمپانیا نه‌وتییانه‌ى كه‌ له‌ هه‌رێم كارده‌كه‌ن و ئاگاداریكردوونه‌ته‌وه‌ بۆ پابه‌ند بوون به‌ بڕیاره‌كانى دادگاى فیدراڵى له‌باره‌ى نه‌وتى هه‌رێم.

له‌ ماوه‌ى رابردوودا كۆمپانیاى به‌ركه‌ر هیوزى ئه‌مریكى به‌هه‌مانشێوه‌ پابه‌ندبوونى خۆى به‌ بڕیارى دادگاى فدیدراڵى راگه‌یاند و له‌ هه‌رێم كشایه‌وه‌.

Share it:
Previous Next
Close
Test Caption
Test Description goes like this