رووسیا دادگایەکی نێودەوڵەتی بۆ دادگاییکردنی سەربازانی ئۆکرانیا دروست دەکات
SNN
ئەکساندر باستریکین سەرۆکی لیژنەی لێکۆڵینەوەکانی سەر بە دەسەڵاتی دادوەری رووسیا ئاشکرای کرد بە مەبەستی دادگاییکردنی سەربازانی ئۆکرانیا کە تۆمەتبارن بە ئەنجامدانی تاوانی جەنگ دادگایەکی نێودەوڵەتی پێکدەهێنن.
باسی لەوەشکرد، لە دادگایەدا نوێنەرانی ئێران، سوریا و بولیڤیا و چەند وڵاتێکی تر بەشدار دەبن.
سەرۆکی لیژنەی لێکۆڵینەوەکانی سەر بە دەسەڵاتی دادوەری رووسیا ئەوەشی خستەڕوو، کە لەو دادگایەدا بە تۆمەتی تاوان دژی مرۆڤایەتی 92 ئەندامی هێزە چەکدارەکانی ئۆکرانیا دادگایی دەکرێن.
ئاشکراشی کرد، لە ئێستادا کار لە سەر هەزار و 300 دۆسیەی تاوان دەکەن کە لە لایەن سەربازانی ئۆکرانیاوە ئەنجامدراوە، هاوکات بە دووریشی زانی نەتەوەیەکگرتووەکان پشتیوانی لەو دادگایە بکات.
