تەرمی گەنجێکی تەمەن 25 ساڵ دۆزرایەوە

عەلی حەمەسەعید-SNN

وتەبێژی پۆلیسی پارێزگای هەڵەبجە ئاشکرایکرد ئەمڕۆ دووشەمە لە نزیک شاخی وشکەناو سەربەناحییەی خورماڵ تەرمی گەنجێکی تەمەن25ساڵ دۆزراوەتەوە کە کەوتوەتەخوارەوە لەسەرشاخی وشکەناو.

موقەدەم بەرزان عوسمان، وتەبێژی پۆلیسی پارێزگای هەڵەبجە بە SNNی ڕاگەیاند:پاش نیوەڕۆی  ئەمڕۆ تەرمی هاوڵاتیە بەناوی  بەڕێز نعمەت سدیق تەمەن 25ساڵ دانیشتوی ناحیەی خورماڵ  گەرەکی ئەردەڵان  لەشاخی وشکەناو لەسنووری ناحیەی خورماڵ دۆزراوەتەوە.

ئاماژەی بەوەشکرد، ئەو گەنجە لەسەر شاخی وشکەناو کە کەوتوەتە خوارەوە، تەرمەکەی لەلایەن تیمی بەڵگەو تاوان، بنکەی پولیسی خورماڵەوە هەڵگیراوەتەوە.

وتەبێژەکەی پۆلیسی پارێزگای هەڵەبجە ئەوەشی خستەڕوو، پاش دۆزینەوەی تەرمەکە ڕەوانەی پزیشکی دادی هەڵەبجە کرا بۆ زانینی هۆکاری گیان لەدەستدانەکەی دوسیەی لێکۆڵینەوەی لەبنکەی پولیسی  خورماڵ بۆ ڕێکخراوە.