سوریا بەرزترین رێژەی تووشبوون بەکۆرۆنا لەڕۆژێکدا تۆمار دەکات

SNN–

رێژەی تووشبوون بەڤایرۆسی کۆرۆنا ئەمڕۆ شەممە لەسوریا بەشێوەیەکی سەیر هەڵکشا و تەنیا لە یەک رۆژدا 11 تووشبوو راگەیەنرا و 4 مردنیش هەیە.

وەزارەتی تەندروستی سوریا ئاماژەی بەوەداوە، کە تووشبووەکان لەوڵاتی کوەیت-ەوە گەڕاونەتەوە و لەئێستادا ژمارەی تووشبوو لەسوریا 70 کەسە.

تۆمارکردنی 11 حاڵەتی نوێ لەو وڵاتە بە ئامارێکی جێ مەترسی دادەنرێت بۆ سوریایەک کە ئاگری شەڕ و بێ خزمەتگوزاری تەندروستی تەنگی پێ هەڵچنیوە.

دوێنێش وەزارەتی تەندروستی تەندروستی سوریا بڵاویکردەوە کە کەسێکی دیکە بە ڤایرۆسی کۆرۆنا گیانی لەدەستداوە.

لەئێستادا لەسوریا 70 حاڵەتی تووشبوون هەیە و 37یان چاکبوونەتەوە و 7 حاڵەتی مردنیش هەیە.