لە رۆژئاوای کوردستان هێرشکرایە سەر هێزەکانی هاوپەیمانان
snn-
لە ناوچەی رمێلان لە رۆژئاوای کوردستان بە مووشەک هێرشکرایە سەر هێزەکانی هاوپەیمانان وهێرشەکە هیچ زیانێکی نەبووە.
وتەبێژی فەرماندەیی هێزی ناوەندی ئەمریکا (سانتکۆم) رایگەیاند، لە رێگەی موشەکی ١٠٧ ملیمەوە هێرشکراوەتە سەر هێزەکانیان لە ناوچەی رمێلان لە رۆژئاوای کوردستان و باکوری رۆژهەڵاتی سوریا.
ئاماژەی بەوەشکرد، تەنها یەک موشەک لە نزیک کامپی فەرماندەی ئەمریکا کەوتووەتەخوارەوە و ئەوانەی دیکە لە ناوچەکانی نزیکی کەوتوونەتە خوارەوە و زیانی گیانی نەبووە.
وتەبێژی فەرماندەیی هێزی ناوەندی ئەمریکا وتیشی:” لێکۆڵینەوە لە بارەی هێرشەکەوە دەستیپکردووە”.
