کڕینی بەرهەمەکانی زارا حەرامکرا

SNN-

دادوەرێکی فەلەستینی هەموو جۆرە مامەڵەیەکی لەگەڵ کۆمپانیای زارا حەرام کرد، بەهۆی ئەوەی کە پەیوەندی لەگەڵ بەرپرسانی ئیسرائیل دروستکردووە.

مەحمود هەباش، دادوەری فەلەستینی لە نوێترین فەتوایدا مامەڵە کردنی لەگەڵ کۆمپانیای زارا حەرام کرد، داواشی لە سەرجەم دامەزراوە و دەستەی فەتوای ئیسلامی لە سەرجەم وڵاتانی ئیسلامی کرد ئەوانیش بەرهەمەکانی زارا حەرام بکەن. تا ئەو کاتەی کۆمپانیاکە گرێبەستەکەی لەگەڵ نوێنەرە ئیسرائیلییەکەیان کە”پاڵپشتیکار” ی تیرۆرە هەڵدەوەشێنێتەوە

خاوەنی تۆڕی زارای جیهانی بۆ جلوبەرگ لە ئیسرائیل لە چەند رۆژی رابردوودا رایگەیاند، لە ماڵی خۆی لەگەڵ سیاسەتمەداری توندڕەوی وڵاتەکە ئیتمار بن غەفیر کۆبووەتەوە کە بە یەکێک لەو سیاسییە ئیسرائیلیانە هەژمار دەکرێت کە دژی فەلەستینە، ئەوەش کاردانەوەی بەشێک لە هاووڵاتییانی فەلەستینی لێکەوتەوە.