“تا ئێستا 15 هەزار گەشتیار بەبۆنەی سەری ساڵەوە هاتوونەتە سلێمانی”

SNN

ئارام شوانی وتەبێژی گەشتوگوزاری سلێمانی لە لێدوانێکی میدیایدا رایگەیاند: لەمساڵدا دوو لیژنەی پێشوازی بۆ گەشتیارانی ساڵی نوێ لە شاری سلێمانی پێکهێنراوە کە دانەیەکیان لە فرۆکەخانەی نێودەوڵەتی سلێمانییەو ئەوەی دیکەیان لە بازگەکان, تێیدا نەخشە و رێنمایی نوێ دەدات بە گەشتیاران.

دەشڵێت: هەر لەمساڵیشدا لیژنەی پشکنینمان هەیە کە بەسەر شوێنە گەشتیارییەکاندا دەگەڕێن، هەروەها بە کۆی گشتی لە ساڵی 2021دا تەنیا ملیۆنێک و 400 هەزار گەشتیار روویان لە سلێمانی کرد، بەڵام خۆشبەختانە ئەمساڵ و تا ئێستا 2 ملیۆن و 400 هەزار گەشتیار روویان لە پارێزگای سلێمانی کردووە.

وتیشی” تا ئێستا و بەبۆنەی بۆنەکانی جەژنەکانی ساڵی نوێوە 15 هەزار گەشتیار روویان لە سلێمانی کردووە، بەڵام چاوەڕێی ئەوە دەکەین لە چەند رۆژی داهاتوودا ئەو ژمارەیە بگاتە دوو هێندەی ئێستا”