کەشناسی: بەفرو باران دەبارێت و پلەکانی گەرما نزمدەبنەوە

SNN-

کەشناسی هەرێم رایگەیاند،لە سبەینێوە شەپۆلێکی بەفروباران هەرێمی کوردستان دەگرێتەوە و پلەکانی گەرماش
نزم دەبێتەوە بە 2 بۆ 4 پلە.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردووەتەوە، ئەمڕۆ سێشەممە، 3- 1- 202، ئاسمان ساماڵ دەبێت و پلەکانی گەرما/ نزیک دەبێتەوە لە تۆمارکراوی رۆژی پێشووتر.

هەروەها سبەینێ چوارشەممە 4- 1- 2023، ئاسمان هەوری تەواو دەبێت لەگەڵ بارین بارانی مام ناوەند لە ناوچەکانی سلێمانی و گەرمیان، لە کاتەکانی شەودا نمە باران ناوچەکانی هەولێر دەگرێتەوە وە ئەگەری بارینی تێکەڵی بەفر و باران هەیە لە هەندێ ناوچە شاخاوییە سنورییەکانی رۆژهەڵات و باکوری رۆژهەڵاتی هەرێم، پلەکانی گەرماش نزم دەبێتەوە بە2 بۆ4 پلە بە بەراورد لە تۆمارکراوی رۆژی پێشوو.

بەرزترین پلەکانی گەرمای پێشبینیکراو بە پلەی سیلیزی :
هەولێر : 17
سلێمانی : 13
دهۆک : 17
کەرکوک : 17
هەڵەبجە : 14
زاخۆ : 17
سۆران : 11
گەرمیان : 18