کەمێکی ديکە شەقامی سلێمانی- تاسڵوجە دادەخرێت

SNN

شارەوانی سلێمانی رايگەياند: بەهۆی کارکردن تيايدا ئەمڕۆ شەقامی سەرەکی سلێمانی-تاسڵوجە بە ئاراستەی هاتن بۆ ناوشار دادەخرێت.

سەرۆکایەتی شارەوانیی سلێمانی لە راگەيەندراوێکدا بڵاويکردەوە: شۆفێران و هاووڵاتيان ئاگادار دەکەينەوە بەهۆی کارکردنی بەردەوام لە (یەکتربڕی باخی بەختیاریی )، لە ئەمڕۆ لە کاتژمێر 9:30ی سەرلە بەیانییەوە، شەقامی سەرەکیی سلێمانی-تاسلوجە بە ئاڕاستەی هاتن بەرەو ناوشاری سلێمانی دادەخرێت.

راشيگەياند: شەقامی لاوەكیی تەنیشتی ئامادەكراوەو كراوە دەبێت، بۆ بەكارهێنانی لەلایەن شۆفێران و هاووڵاتیانەوە. بۆیە داواكارین لە هاووڵاتیانی شاری سلێمانی، هاوكارمانبن، بۆ جێبەجێكردنی ئەو پرۆژە خزمەتگوزارییە، كە خزمەتێكی گەورە بە شاری سلێمانی و شۆفێران دەگەیەنێت، لە ڕووی كەمكردنەوەی ئاستەنگی هاتووچۆو قەرەباڵغی زۆری شەقامەكە.