کەشناسیی هەرێم: لە هەندێک ناوچە ئەگەری بارینی باران هەیە

SNN

کەشناسیی هەرێمی کوردستان پێشبینی دەکات ئەمڕۆ و سبەینێ لە چەند ناوچەیەک نمەباران ببارێت.

كه‌شناسی سه‌باره‌ت به‌ ڕه‌وشی كه‌شوهه‌وای ئه‌مڕۆ هه‌ینی شاره‌كان ڕایگه‌یاند: ئاسمان پەڵەهەور و نیمچەهەور دەبێت لە هەندێک ناوچە هەوری تەواو دەبێت، لە ناوچە شاخاوییەکانی باکووری هەرێم ئەگەرێکی لاواز هەیە بۆ کەمێک نمە باران.

راشیگەیاندووە، پلەکانی گەرما بە نزیکەی (1 تــا 2) پلە بەرزتر دەبێت لە تۆمارکراوەکانی دوێنێ پێنجشه‌مممە و ئاڕاسته‌ی باش به‌ره‌و باشووری خۆرئاوا ده‌بێت و خێراییه‌كه‌شی مامناوه‌ند ده‌بێت.

سه‌باره‌ت به‌ كه‌شوهه‌وای رۆژی شەممەی ناوچه‌كانی هه‌رێمی كوردستان، ڕایگه‌یاندووە: ئاسمان لەنێوان نیمچەهەور و هەوری تەواو دەبێت، ئەگەری نمەباران لە کات و ناوچەی جیاجیا هەیە، هه‌روه‌ها لە کاتەکانی دوای نیوەڕۆ ڕێژەی دابارین لە ناوچە شاخاوییە سنوورییەکان زیاتر دەبێت و لە هەندێک ناوچە لە ئەنجامی زیادبوونی خێرایی با ئەگەری هەبوونی تۆز و خۆڵێکی کەم هەیە.

به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی بەرزترین پلەکانی گەرمای پێشبینیکراوی شاره‌كانی به‌مشێوه‌ی دیاری كرد:

هەولێر: 30 پلەى سیلیزى

سلێمانی: 27 پلەى سیلیزى

دهۆک: 29 پلەى سیلیزى

کەرکووک: 34 پلەى سیلیزى

هەڵەبجە: 28 پلەى سیلیزى

زاخۆ: 29 پلەى سیلیزى

سۆران: 26 پلەى سیلیزى

گەرمیان: 36 پلەى سیلیزى