زانکۆی ئەزهەر: داوا لە موسوڵمانان دەکەین بایکۆتی کاڵای سویدی بکەن

SNN

زانکۆی ئەزھەر بە توندی ئیدانەی رەفتارەکانی سوید دەکات بۆ توڕەکردنی مسوڵمانانی جیھان و رێگەدان بە ناوی ئازادی رادەربڕینەوە بۆ بێرێزیکردن بە قورئانی پیرۆز.

زانکۆی ئەزهەر لە راگەيەندراوێکدا بڵاويکردەوە: رێگەدان بە بێرێزیکردن بە قورئان، تاوانە بەرامبەر بە ئیسلام و مافی ئاینەکان و مرۆڤایەتی و شەرمەزاریشە بۆ ئەو کۆمەڵگەیانەی رێگەی پێدەدەن.

ئەزھەر داوا لە گەلانی عەرەب و ئیسلامی دەکات بەردەوامن بن لە سەر بایکۆتکردنی بەرھەم و کاڵای سویدی و ھەموان بە یەک ھەڵوێست و ئاراستە بەرامبەر بە سیاسەتەکانی سوید بوەستنەوە.

لە بەشێکی تری راگەیەنراوەکەیدا دەڵێت “دوژمانی ئیسلام و موسوڵمانان لە ھیچ زمانێک تێناگەن جگە لە بەرژەوەندی ماددییان”.

ئەم راگەيەندراوە دوای ئەوەدێت دوێنێ پێنجشەممە سەلوان مۆميکا پەنابەری عێراقی لە وڵاتی سويد جارێکی ديکە مۆڵەتی سوتاندنی قورئانی پيرۆزی لەو وڵاتە وەرگرت ئەوەش ناڕەزايی زۆری وڵاتانی ئيسلامی لێکەوتەوە.